يا الغاليه كل غالي دوم يرخص لك= لو تطلبيني عيوني قلت لك سمِّي
من الذي يا حياة الروح يشبه لك= عسى الفؤاد الذي يجفاك بالسُّمِّ
مهما تغني حروف الحب عن فضلك= من الذي يوصله في الكيف والكمِّ
اضج بالبعد . والسلوان في وصلك= هواك يا سلوتي يسري مع دمِّي
تدللي وآمري والروح تخضع لك= ولا تحزني يا بعد عمري وتهتمي
يفداك يا راس مالي كل ما أملك= ولا والله ارضى يجيك الضيق من يّمي
يفداك قلبي وروحي جعلني قبلك= حياه ما انتي قمرها تجلب الغمّ
عجيب حتى القصايد يوم تنشد لك= تلذ لي مثل طعم الشهد في فمي
لو عشت خدَّام لك وآ لبِّسِكْ نعلك= أحب لي من كنوز الكون تلتمِّ
عزّ وفخر لا نحنيت امْقَبّل رجلك= اللي تَحَتْها جنان الخلد يا أمي