تهنئة لشاعر الحب والوفاء

يا (خالد الفيصل) وش الشعر قايل= من بعد قولك وانت للشعر بستان
مهما نهنِّي من وجوهْ وقبايل= بقدوم محبوب الملايين (سلطان)
وجوب نهدي رايعات الرسايل= فيها نهنِّي اللي من الشوق ولهان
أنت الذي للحب عندك دلايل= وانت الذي من غمرة الأنس نشوان
أنته من احباب الأمير الأوايل= الِّلي لهم في الحب حجه وبرهان
سَبَّاق يا خالد لنيل الفضايل= وَفيْ, وشاعر لا يُجارىٰ وفنَان
يا ما نسجت الرايعات الأصايل= في مدح عمك ورد جوري وريحان
ما فيه مثل اللي رسمته مثايل= لوحاتْ شعريه وألحان والوان
غنيت له شِعر من القلب هايل= واطربت سمع الدهر من عذب الاوزان
منها: «رفيق السعد» «للهم شايل»= ومنها: «غصون الريف» «عمك كحيلان»
نهرك بعذب الشوق والذوق سايل= ومن «لامكم في حب سلطان غلطان»
شهم خذا قلبك بلطف وجمايل= غَامِرك حب, وطيب, واخلاق, واحسان
(سلطان) عطر المرجلة والفعايل= يستاهل اخلاصك ومدحك والالحان
حلو السجايا مُولَع بالشمايل= تثني عليه قلوب ودروب واوطان
ياما غرس للطيبات الفسايل= أزهار وخزامى وقرنفل ورمان
ساكن قلوب الناس عذب النوايل= يبقى شعاره دوم (سلطان الانسان)

تأليف وإهداء د/ ناصر بن مسفر الزهراني